மல்லிகா ஷெராவத்துக்கு வாய்ஸ் தந்தார் ஸ்ருதி

நடிப்பு, இசை என இரு பாதைகளில் பயணித்து வருகிறார் கமல்ஹாசன் மகள் ஸ்ருதி. தமிழில் சூர்யாவுடன் 7ஆம் அறிவு, இந்தியில் அஜய் தேவ்கனுடன் தில் தோ பச்சா ஹே ஜி படங்களில் நடிக்கிறார். கூடவே இசை ஆல்பம் தயாரிப்பது, இசை நிகழ்ச்சிகள் நடத்துவது என பிசியாக இருக்கிறார். இதற்கிடையே ஹிஸ்ஸ் என்ற ஹாலிவுட் படத்தில் பின்னணி பாடியுள்ளார். இப்படத்தில் ஹீரோயினாக நடிப்பவர்
மல்லிகா ஷெராவத். ஸ்ருதியின் பாடலுக்கு படத்தில் மல்லிகா வாயசைப்பார்.இதில் பாடியது பற்றி ஸ்ருதி கூறும்போது, டேவிட் குஷ்னர் எனக்கு மிகவும் பிடித்த ஹாலிவுட் இசையமைப்பாளர். அவரது இசையில் பாடுவேன் என கனவிலும் நினைக்கவில்லை. ஹிஸ்ஸ் படத்துக்காக அவர் பாட கேட்டதும் துள்ளி குதித்தேன். இப்படம் மூலம் ஹாலிவுட்டில் நுழைவது பெருமையாக உள்ளது என்றார்.