Showing posts with label திரிஷா. Show all posts
Showing posts with label திரிஷா. Show all posts

Friday, October 22, 2010

த்ரிஷாவை தூக்கிஎறிந்த தெலுங்கு தேசம்





அம்பு எந்தப்பக்கம் எப்போது பாயும் என்று யார் கண்டார்? கொஞ்ச நாட்களாகவே தொழில் ஸ்தானமான பத்தாம் இடத்தில் அம்பு பாய்ந்து பலத்த
சேதத்திற்குள்ளாகியிருக்கிறார் த்ரிஷா. இந்தியில் உருவாகும் விண்ணை தாண்டி வருவாயா படத்தில் இவருக்கு பதிலாக கடைசி நேரத்தில் உள்ளே நுழைந்தார் எமி. இந்த அதிர்ச்சியில் இருந்து அவர் மீள்வதற்குள் இன்னொரு அம்பு. இது தெலுங்கு தேசக் கவிழ்ப்பு!
தமிழில் எப்படியோ, அப்படிதான் தெலுங்கிலும் கொடி கட்டி பறந்தார் த்ரிஷா. ஒரே நேரத்தில் மூன்று மொழிகளில் பிசியாக இருக்கிற வரம் ஒரு சில நடிகைகளுக்குதான் வாய்க்கும். அப்படி தமிழ், தெலுங்கு, இந்தி, மும்மொழிகளிலும் கடை விரித்து முன்னேறியவர் த்ரிஷா! ஆனால் பாலிவுட் மட்டும் போன வேகத்தில் புரட்டிப் போட்டது அவரது நம்பிக்கையை. முதல் படமான காட்டா மீட்டா கடும் தோல்விக்குள்ளானது. அதையடுத்துதான் இவருக்கு பதிலாக எமியை உள்ளே கொண்டு வந்தார் கவுதம்மேனன்.

இதற்கிடையில் தெலுங்கில் பவன் கல்யாணுடன் ஒரு படத்தில் இணைவதாக இருந்த த்ரிஷாவுக்கு சில தினங்களுக்கு முன் வந்த தகவல் அவ்வளவு நல்லதாக இல்லை. இந்த படத்திலிருந்து நீங்கள் நீக்கப்படுகிறீர்கள். அட்வான்ஸ் தொகையை திருப்பி கூட தர வேண்டாம். அது உங்களிடமே இருக்கட்டும் என்று கூறிவிட்டார்களாம்.
படத்தின் நாயகனான பவன் கல்யாணின் உத்தரவை அடுத்துதான் இந்த கவிழ்ப்பு என்பது புரிந்தாலும், சைலண்ட்டாக இருக்கிறார் த்ரிஷா. பின்னணியில் நடந்ததுதான் என்ன? தெரிஞ்சாதான் சொல்லுவோம்ல....

Sunday, October 17, 2010

பேஸ் புக் பிளாக் அதிர்ச்யில் த்ரிஷா




நடிகை திரிஷாவின் பேஸ்புக் அக்கவுன்ட் ஹேக் செய்யப்பட்டுள்ளது. இதனால் திரிஷா அப்செட்டாகியுள்ளார்.

பேஸ்புக், ட்விட்டரில் அக்கவுண்ட் வைத்திருக்கும் பிரபலங்களின் எண்ணிக்கை நீளமானது. அதில் இணையாவிட்டால் அவர்களை ஒருமாதிரியாக பார்க்கும் அளவுக்கு நிலைமை போயுள்ளது. பேஸ்புக்கிலும், ட்விட்டரிலும் அக்கவுண்ட் வைத்திருக்கும் தென்னிந்தியப் பிரபலங்களில் திரிஷாவும் ஒருவர். ஆனால் அவரது பேஸ்புக் அக்கவுண்டை சில விஷமிகள் ஹேக் செய்துள்ளனர்.


இதனால் கடும் அதிருப்தியில் உள்ளார் திரிஷா. நேற்று காலை திரிஷாவின் பேஸ் புக் பக்கத்திற்குச் சென்ற அவரது நட்பு வட்டாரம், அது பிளாக் ஆகிக் கிடந்ததைக் கண்டு அதிர்ச்சியுற்றனர். தனது தளம் ஹேக் செய்யப்பட்டால் அதிர்ச்சி அடைந்த திரிஷா உடனடியாக வேறு ஒரு அக்கவுண்ட்டைத் தொடங்கியுள்ளார். இதையாவது யாரும் நோண்டாமல் இருக்க வேண்டுமே என்று புலம்பி வருகிறாராம் திரிஷா. சில மாதங்களுக்கு முன்பு சிம்புவின் ட்விட்டர் தளத்திற்குள் சிலர் ஊடுறுவி விஷமம் செய்தது நினைவிருக்கலாம்.

Saturday, October 9, 2010

த்ரிஷா இடத்தில் எமி

Amy Jackson
இங்கிலாந்து -இந்திய கூட்டுத் தயாரிப்பு போல இருப்பதுதான் எமியின் விசேஷம்! வெளிநாட்டு அழகிகளை மட்டுமல்ல. அப்படியே கொஞ்சம்
கழுத்தை நீட்ட்ட்ட்ட்டி எட்டிப்பார்த்து கூட ஒரு உதாரணம் சொல்லாம். அண்டை மாநிலமான பாலிவுட் குயின்களை கூட 'உவ்வே' என்று ஒதுக்கித் தள்ளிவிடுவார்கள் நமது ரசிகர்கள். பாலிவுட்டில் கொண்டாடப்பட்ட பிபாபாஷா பாசு தமிழில் விஜய்யுடன் இணைந்து ஒரு படத்தில் நடித்த போது என்னவானார்? ஆனால் எமியை பொருத்தவரை எந்த பக்கம் திருப்பினாலும் அழகு!
வண்ணார பேட்டை ரசிகனுக்கும் பிடிக்கும். மைலாப்பூர் ரசிகனுக்கும் இனிக்கும். அப்படி ஒரு முகம் அவருக்கு. இந்த முக லட்சணம்தான் த்ரிஷாவை ஒரு ஸ்டெப் பின்னுக்கு தள்ளிவிட்டிருக்கிறது! ஹையோ... அது எப்போ?
தமிழில் சூப்பர் ஹிட் ஆன விண்ணை தாண்டி வருவாயா படத்தை இந்தியில் எடுக்க வேண்டும் என்று விரும்பினார் கவுதம் மேனன். இதன் மூலம் இந்திக்கும் போகலாம் என்று நினைத்திருந்தார் சிம்பு. ஆனால் அவரை விட்டுவிட்டு த்ரிஷாவை தமிழில் நடித்த அதே கேரக்டரில் நடிக்க வைக்க முடிவெடுத்தார் கவுதம். இப்போது அதில் திடீர் மாற்றம். த்ரிஷாவுக்கு பதிலாக எமியை புக் பண்ணிவிட்டார்.
உமியாயிருந்தா ஊதி தள்ளிடலாம். எமியாச்சே? இதயத்துல ஒரு கர்சீப் போட்டு வைங்கப்பா...

Tuesday, October 5, 2010

யோகா கத்துக்க…! – த்ரிஷாவுக்கு ஷ்ரியா அட்வைஸ்


“யோகா கத்துக்க… ஹெல்த்துக்கு நல்லது. எப்போதும் இளமையாகத் தெரிய உதவும்.. “- இதுதான் சமீபத்தில் த்ரிஷாவுக்கு நடிகை ஷ்ரியா அனுப்பிய செய்தி.

ஏன் இந்த திடீர் அட்வைஸ்..?
கோவையில் உள்ள அந்த ஆசிரமத்துக்கு தொடர்ந்து செல்லும் ஷ்ரியா, அங்கு உடற்பயிற்சி மற்றும் யோகா கற்று வருகிறார். இதனை மற்றவர்களுக்கும் சொல்லி, ஆசிரமத்துக்கு வருமாறு அட்வைஸ் பண்ணுகிறார்.

சரி, ஷ்ரியாவின் இந்த அட்வைஸுக்கு த்ரிஷா என்ன பதில் சொன்னார்..?
“நீ சொல்றது உண்மைதான். நானும் இந்த ஆசிரமத்தின் சென்னைக் கிளையில் சேர்ந்துவிட்டேன். இப்போ தினமும் யோகா பண்றேன். இல்லேன்னா மாஸ்டர் விடமாட்டேங்கிறார்.. ஆனாலும் எனக்கு இந்தப் பயிற்சி ரொம்பப் பிடிச்சிருக்கு..!”

Sunday, October 3, 2010

கவர்ச்சியை வாரி இறைக்கும் கதாநாயகிகள்


முந்தைய கால கட்டத்தில் கவர்ச்சிக்கென சி.ஐ.டி. சகுந்தலா, ஜெயமாலினி, ஜோதிலட்சுமி இருந்தனர். அவர்களை தொடர்ந்து டிஸ்கோ சாந்தி, சில்க்
ஸ்மிதா, அனுராதா வந்தார்கள். அவர்கள் அரைகுறை ஆடையுடன் ரசிகர்களுக்கு கிளு கிளுப்பூட்ட பயன்படுத்தப்பட்டனர்.

இலவச Magazine  Total Film Magazine November
  டவுன்லோட் செய்ய இங்கே கிளிக் செய்யுங்கள் இப்போது அது போன்ற நடிகை வகையறாக்கள் மங்கிப்போய் விட்டார்கள். கதாநாயகிகளே அவர்கள் பணியை கையிலெடுத்து கொண்டனர். புதிதாக வரும் கதாநாயகிகள் கவர்ச்சியின் எல்லை வரை தொடுகிறார்கள்.
சீ சீ என பத்மினி, சரோஜாதேவி காலத்தில் முகம் சுழிக்கப்பட்ட நீச்சல் உடை காட்சிகளிலும் கலக்குகிறார்கள். இதனால் சமீப காலங்களில் தலை தூக்கிய சில குத்தாட்ட நடிகைகளும் ஓரிரு படங்களோடு காணாமல் போயினர்.
நமீதாதான் அதிகபட்ச கவர்ச்சிக்கு அச்சாரம் போட்டார். தமிழில் நம்பர் ஒன் கதாநாயகி அந்தஸ்தில் இருந்த நயன்தாரா “பில்லா” படத்தில் நீச்சல் உடைக்கு இறங்கினார். அதன் பிறகு அனைத்து கதாநாயகிகளுக்கும் துணிச்சல் வந்தது. ஆடை கட்டுப்பாடுகளை அவிழ்த்து போட்டனர்.
குடும்ப பாங்காகத்தான் நடிப்பேன் என அடம் பிடித்த சினேகா தெலுங்கு படங்களில் கவர்ச்சி மழை பொழிகிறாராம். முத்தக்காட்சிகளிலும் வரிந்து கட்டுகின்றனர்.
சிம்பு- நயன்தாரா முத்தக்காட்சி போஸ்டர்கள் சில வருடங்களுக்கு முன் நகரமெங்கும் சூடேற்றின.
திரிஷாவும் விண்ணைத்தாண்டி வருவாயா படத்தில் உதட்டோடு உதடு பதித்தார்.
அருந்ததிக்கு பின் தமிழ் மார்க்கெட்டில் வலுவாக காலூன்றியுள்ள அனுஷ்காவும் கவர்ச்சியை அள்ளி தெளிக்கிறார்.
புதுவரவு நாயகிகளான தபஸ்ரீ, ஹன்சிகா மோட்வாணி போன்றோரும் கவர்ச்சியை வாரி இறைக்கின்றனர். பாவாடை தாவணியில் பார்த்த உருவமா….? என பாடவைத்த நாயகிகள் ஆடை அவிழ்ப்பு செய்து ஹாலிவுட் தோற்றத்துக்கு மாறிக்கொண்டு இருக்கிறார்கள்.

Tuesday, September 21, 2010

த்ரிஷா கால்ஷீட் கிடைத்ததால் காஜல் படம் நிறுத்தம்



பாலிவுட் மோகத்திலிருந்து விடுபட்டு மீண்டும் கோலிவுட், டோலிவுட் பக்கம் கவனத்தை திருப்பி இருக்கிறார் த்ரிஷா. ரீஎன்ட்ரி கொடுத்த வேகத்தில் பவன்
கல்யாணுடன் ஜோடியாக ஒப்புக்கொண்டிருக்கிறார். இதையடுத்து தெலுங்கில் தனக்கு ஹிட் படங்களை தந்து, நம்பர் 1 நடிகையாக்கிய தயாரிப்பாளர் எம்.எஸ்.ராஜுவின் படத்திலும் நடிக்கிறார். கமர்ஷியல் படங்களில் கவனம் செலுத்தி வந்த த்ரிஷா, ராஜுவின் படத்தில் ஹீரோயினுக்கு முக்கியத்துவம் உள்ள கதையில் நடிக்கிறாராம். அதேபோல் ஹீரோ டாமினேஷன் படங்களை தயாரித்த ராஜு, இதில் முழுக¢க ஹீரோயினை நம்பி படம் தயாரிக்கிறார்.
ஏற்கனவே காஜல் அகர்வாலை வைத்து ஹீரோயினுக்கு முக்கியத்துவம் உள்ள சப்ஜெக்ட்டை தயாரிக்க திட்டமிட்டிருந்தார் ராஜு. த்ரிஷாவின் கால்ஷீட் கிடைத்ததை அடுத்து அப்பட வேலைகளை நிறுத்திவிட்டாராம். காஜல் நடிக்கும் படம் டிராப் ஆகிவிடும் என தயாரிப்புக்கு நெருங்கிய வட்டாரங்கள் தெரிவித்தன.

Saturday, September 18, 2010

கொள்கையை மாற்றிய த்‌‌ரிஷா


மாஸ் ஹீரோவின் படத்தில் கதாநாயகி அந்தஸ்துடன் சும்மா வந்துப் போவதும் த்‌‌ரிஷா‌வுக்கு உடன்பாடுதான். ஆனால் படம் முழுக்க வரும்
ஹீரோயின் ஓ‌‌ரியண்ட் சப்ஜெக்ட் என்றா‌ல், கதையை கேட்காமலே கதவை சாத்திவிடுவார்.மற்ற படங்கள் தோல்வி அடைந்தாலும் அது பெ‌‌ரிய அளவில் ஹீரோயினை பாதிக்காது. ஹீரோயின் ஓ‌‌ரியண்ட் படம் என்றா‌ல் மொத்த தோல்வியையும் நாமே சுமக்க வேண்டி வரும் என்று இதற்கு விளக்கமும் கூறியிருந்தார் த்‌‌ரிஷா‌.
அருந்ததி அனுஷ்காவை ஒரே நாளில் உச்சத்தில் வைத்ததாலா தெ‌‌ரியவில்லை த்‌‌ரிஷா‌வும் தனது கொள்கையை தளர்த்தி ஹீரோயின் ஓ‌‌ரியண்ட் படத்தில் நடிக்க முன் வந்திருக்கிறா‌ர். தெலுங்கில் தயாராகும் இந்தப் படத்தை எம்.எஸ்.ராஜு தயா‌‌ரிக்கிறா‌ர்.

Thursday, September 2, 2010

நான் காதல் திருமணம்தான் செய்து கொள்வேன்,த்ரிஷா


ஒரு பரபரப்பை இன்னொரு பரபரப்பால்தான் அடக்க வேண்டும் என யாரோ த்ரிஷாவிடம் சொல்லிவிட்டார்கள் போல.

போதை மருந்து விவகாரத்தில் த்ரிஷாவின் பெயர் ஏகத்துக்கும் ரிப்போராகிக் கொண்டிருக்க, அவரோ கொஞ்சமும் அலட்டிக் கொள்ளாமல் அடுத்தவர்களுக்கு அட்வைஸ், கருத்து என தொடர்ந்து பரபரப்பைக் கிளப்பி வருகிறார்.
ஏற்கெனவே அசின் இலங்கை போன விவகாரத்தில் கருத்து சொல்லியிருந்த த்ரிஷா, இப்போது மீண்டும் அதுபற்றிப் பேச ஆரம்பித்துள்ளார்.
“அசின் இலங்கைக்குப் போனதே தவறு. இங்கே உள்ள பிரச்சினைகள் தெரிந்தும் அவர் வேண்டுமென்றே போனது போலாகிவிட்டது.
இப்போதும் சொல்கிறேன்… என்னை அழைத்திருந்தால் நிச்சயம் நான் போயிருக்க மாட்டேன்…” என்று கூறியுள்ளார்.
இன்னொரு பக்கம், கேட்டால் கூட கல்யாணம் பற்றி பதில் சொல்லாமல் தவிர்க்கும் த்ரிஷா, இப்போது தானாகவே முன்வந்து கல்யாண மேட்டரையும் பேசுகிறார்.
இதுபற்றி அவர் கூறுகையில், “எல்லோரும் என் கல்யாணம் பற்றியே கேட்கிறார்கள் (இதுபற்றி அந்தப் பேட்டியில் கேள்வியே இல்லை!). நான் காதல் திருமணம்தான் செய்து கொள்வேன். நிச்சயம் முன் பின் தெரியாதவரை கல்யாணம் செய்து கொள்ளமாட்டேன்” என்று கூறியுள்ளார்.
இந்த போதை மருந்து விவகாரத்தில் பெயர் கெட்டாலும், த்ரிஷாவுக்கு ஒரு பெரிய லாபமாம்… பாலிவுட்டில் இப்போது அவரைப் பற்றித் தெரியாதவர்களே இல்லை என்ற நிலை உருவாகியிருக்கிறதாம்!