Showing posts with label ரகுமான். Show all posts
Showing posts with label ரகுமான். Show all posts

Monday, November 1, 2010

ஏ.ஆர்.ரஹ்மானுக்கு இந்திரா விருது


காங்கிரஸ் சார்பில் தேசிய ஒற்றுமைக்கான ‘இந்திரா காந்தி விருது’ வழங்கும் விழா டெல்லியில்
நேற்று நடந்தது. இந்த ஆண்டு விருதை
ராமகிருஷ்ணா மிஷனை சேர்ந்த சுவாமி வியாப்தநந்தா, இசையமைப்பாளர் ஏ.ஆர்.ரகுமான் ஆகியோர் இணைந்து பெற்றனர். அவர்களுக்கு பிரதமர் மன்மோகன் சிங், காங்கிரஸ் தலைவர் சோனியா காந்தி ஆகியோர் விருதை வழங்கினர்

Saturday, October 16, 2010

யாரையும் கவராத ஏ.ஆர்.ரஹ்மான் காமன்வெல்த் தீம் பாடல் !



காமன்வெல்த் போட்டிக்காக தான் போட்டுக் கொடுத்த தீம் பாடலின் ட்யூன் பிரபலமாகமால்
போனதற்காக மன்னிப்பும், வருத்தமும் தெரிவிப்பதாக இசையமைப்பாளர் ஏ.ஆர்.ரஹ்மான் கூறியுள்ளார்.

இதுகுறித்து அவர் கூறுகையில், காமன்வெல்த் போட்டிக்கான தீம் பாடலின் ட்யூன் சரியில்லை, தரமானதாக இல்லை என்பதை ஒப்புக்கொள்கிறேன்.

இளைய தலைமுறையினரை மட்டும் குறித்து இந்தப் பாடல் வரிகள் இடம் பெற்று விட்டது. மற்றவர்களையும் அதில்சேர்த்திருக்க வேண்டும்.

இந்தப் பாடலும், ட்யூனும் மக்களைக் கவராமல் போய் விட்டது உண்மைதான். இதற்காக வருத்தப்படுகிறேன். எனது பாடலால் யாராவது ஏமாந்திருந்தால், என்னை மன்னித்து விடுங்கள்.

அடுத்த முறை இதுபோல நேரிடும்போது மிகவும் கவனமாக இருப்பேன்.
அனைவருக்கும் பொருத்தமான பாடலையும், ட்யூனையும் தேர்வு செய்வேன் என்றார் ரஹ்மான்.

காமன்வெல்த் போட்டிக்கான தீம் பாடல் யாரையும் கவரவில்லை என்ற தகவல் பரவியதைத் தொடர்ந்து அதை சரி செய்யும் முயற்சியிலும் ஈடுபட்டார் ரஹ்மான். இருப்பினும் இந்தப் பாடல் யாருக்குமே பிடிக்காமல் போய் விட்டது குறிப்பிடத்தக்கது.

Tuesday, October 12, 2010

படத்தில் நடிக்க போகிறார் ஏ.ஆர்.ரகுமான்


இசைத்துறையில் கலக்கிய இசைப்புயல், தற்போது நடிப்பு புயலாக மறப்போகிறது. ஆமாம், இசைப்புயல்
ஏ.ஆர்.ரகுமான் மலையாளப் படத்தில் நடிக்க போகிறார். அவரை நடிக்க வைப்பதில் முனைப்பு காட்டி வெற்றியும் பெற்றுள்ளனர் மலையாளப் படவுலகினர். ஜெயராஜ் இயக்கும் புதிய படத்தில் இசையமைப்பாளராகவே நடிக்கிறாராம் ஏ ஆர் ரஹ்மான். இந்தப் படத்தில் மம்முட்டியும் ஜெயசூர்யாவும் நடிக்கிறார்கள்.

இந்தப் படம் ஒரு துப்பறியும் கதை. வழக்கம் போல துப்பறியும் நிபுணர் பாத்திரத்தில் மம்முட்டி நடிக்கிறார். அதில் சில காட்சிகளில் ஏஆர் ரஹ்மானிடம் விசாரிப்பது போல எடுக்க வேண்டியிருந்ததால், அவரையே நடிக்க வைத்துவிடலாம் என முடிவு செய்து கேட்டிருக்கிறார்கள். தயங்கித் தயங்கி கேட்டிருக்கிறார்கள். ஒருநாள் கால்ஷீட் போதும், அதுவும் வீட்டிலேயே ஷூட்டிங் என்றதும் ஒப்புக் கொண்டாராம் ரஹ்மான்.

Tuesday, October 5, 2010

ரஹ்மானின் ஹாலிவுட் பிரண்ட்ஷிப்

'கற்றாரை கற்றாரே காமுறுவர்' என்றொரு ஸ்லோகன் உண்டு கடுந்தமிழில். இதற்கு கொடுந்தமிழில் விளக்கம் சொன்னால் 'மைண்டு காரன் மைண்டு
காரனோடதான் பிரண்ட்ஷிப்பு வச்சுப்பான்!' உலகத்தின் பார்வையை தன் பக்கம் திருப்பியிருக்கும் இசைப்புயல் ஏ.ஆர்.ரஹ்மானுக்கும் அப்படியரு பிரண்ட்ஷிப் இருக்கிறது. அவர்தான் மாட் டங்க்ளி!
சமீபத்தில் சன் டியில் அடிக்கடி பார்த்திருக்கலாம். ரஹ்மான் எந்திரன் படத்திற்காக பின்னணி இசையமைத்த காட்சியை. அப்போது ரஹ்மானுடன் ஒரு வழுக்கை தலை ஆசாமி பேசிக் கொண்டிருப்பார். அவர்தான் இந்த மாட் டங்க்ளி. இசைக்கலைஞர்கள் கருவிகள் வாசித்துக் கொண்டிருக்கும் போது அவர்களை கன்டக்ட் செய்வதும் இவர்தான். ஹாலிவுட் இசையமைப்பாளர்களில் மிகவும் முக்கியமானவராம் இவர். அடிப்படையில் பிரிட்டிஷ் காரரான இவர் ஏராளமான ஹாலிவுட் படங்களுக்கு மியூசிக் கன்டக்டராக இருந்திருக்கிறார். ஹாலிவுட்டின் புகழ்பெற்ற இசையமைப்பாளர்களான ஹான்ஸ் சிம்மர், கிரேக் ஆம்ஸ்ட்ராங் ஆகியோரின் மியூசிக் கன்டக்டரும் இவர்தானாம். சமீபத்தில் வெளிவந்த பிரமாண்ட படமான இன்சப்ஷனிலும் மாட் டங்க்ளியின் பங்கு முக்கியமானது.
ரஹ்மான் சமீபத்தில் லண்டனில் நடத்திய மிகப்பெரிய மியூசிக் கான்சர்ட்டை யாரும் மறந்திருக்க முடியாது. அங்கேயும் மாட் டங்க்ளியின் 'மைண்ட்ஷிப்' ரொம்பவே கை கொடுத்ததாம் இசைப்புயலுக்கு!

Wednesday, September 29, 2010

எந்திரன் இசை அனுபவம் பற்றி ஏ.ஆர்.ரகுமான்


இசைப்புயல் ரகுமான் அதிகம் பேசாதவர். தனது இசை பேசப்பட வேண்டும் என எதிர்பார்ப்பவர். ஒவ்வொரு படத்தையும் முதல் படமாக கருதி கடுமையாக
அனுக்ஹா, சிம்பு வானம் திரைப்பட லேட்டஸ்ட் ஹாட்   Photos
 உழைப்பவர். அதனால்தான் இரட்டை ஆஸ்கர் விருதுகளை வென்றெடுக்க முடிந்தது. அப்படிப்பட்ட செயல்வீரர்களுக்கு பேச நேரம் கிடைக்காதுதான். ஆனாலும், ரஜினியும் ஷங்கரும் எந்திரன் பட தயாரிப்பில் தங்களுக்கு ஏற்பட்ட அனுபவத்தை வாசகர்களோடு பகிர்ந்துகொண்டதை சுட்டிக் காட்டி, அடுத்ததாக உங்கள் பேட்டியை ஆவலுடன் எதிர்பார்க்கிறார்கள் என சொன்னதும் கூச்சத்துடன் புன்னகைத்தார். அப்போது சிதறிய முத்துக்கள்..  

எந்திரன் படத்துல எல்லாமே பிரமாண்டமா இருக்கும்னு தெரிஞ்சுகிட்டேன். பாடல்கள் ஒவ்வொன்னையும் ஒரு வகையான உணர்வோட படமாக்கி இருக்கார் ஷங்கர். படத்தோட மையக் கருத்துக்கு பின்னணி இசையும் பொருத்தமா அமையணும்னு அவர் எதிர்பார்த்தார். படத்துல ஸ்பெஷல் எஃபக்ட்ஸ் காட்சிகள் நிறைய இருக்குறதனால ரசிகர்கள் ஒன்றி போயிடுவாங்க.. அந்த இடத்துல சவுண்ட் பெருசா இருந்தாதான் கவனிப்பாங்க.. ஸோ, பெருசா செய்யணும்னு ஆசைப்பட்டோம்.

அதனால என்ன ஆச்சுன்னா, லண்டன் சென்னை மும்பைனு மூணு இடத்துல பின்னணி இசை சேக்குற மாதிரி ஆயிருச்சு.. அதுக்கு ரொம்ப செலவாகும்னு சொன்னோம். சன் பிக்சர்ஸ் தயங்காம அதுக்கு ஏற்பாடு பண்ணினாங்க.. அதுக்கு நன்றி சொல்லணும். லண்டன்ல பாத்தீங்கன்னா 100 இசைக் கலைஞர்களை வச்சு ரெக்கார்ட் பண்ணிருக்கோம். அங்க டோல் பவுண்டேஷன்னு சொல்லிட்டு ஃபேமஸான ஒரு டோல் குரூப் இருக்கு. அவங்க இந்த படத்துக்கு வேலை செஞ்சுருக்காங்க.

ரொம்ப தள்ளிப்போக கூடாது, படத்தை சீக்கிரம் ரிலீஸ் பண்ணணும்னு சொன்னதால கடுமையா வேலை செஞ்சிருக்கோம்.. சீக்கிரமாவும் முடியணும் ரொம்ப நல்லாவும் வரணும்னா அவ்ளோ உழைச்சாதான முடியும்.. அந்த வேலை நடந்தப்ப ஒரு நாளைக்கு ரெண்டு மணி நேரம்தான் தூங்கினோம்னா நீங்களே பார்த்துக்குங்க.. ‘சிவாஜி‘ படம் பண்ணும்போது செக்கஸ்லோவியாவுல உள்ள பிராக்ல ரெக்கார்ட் பண்ணினோம். அங்க சிம்ஃபனி இசைக் கலைஞர்கள் கிடைப்பாங்க. ஆனா, எந்திரன்ல இன்னும் ஒரு ஸ்டெப் மேல போய், பிராஸ்ங்கற இசைக்குழுவை பயன்படுத்தியிருக்கோம். பாடல்கள் எல்லாமே பிரமாண்டமா பிரமாதமா வந்திருக்கு. லண்டன்ல இருக்கிற பிராஸ் செக்ஷன், என்னோட ஆர்க்கெஸ்ட்ரா ட்ரூப் இவங்கல்லாம் நிறைய ஹெல்ப் பண்ணிருக்காங்க. இதுதவிர நிறைய மாடர்ன் டெக்சர்ஸ் மியூசிக் பண்ணியிருக்கோம். நீங்க எல்லாருமே ரொம்ப ரசிப்பீங்கனு எனக்கு நம்பிக்கை இருக்கு..




The Advertising Network

Saturday, August 28, 2010

கலக்கும் ’127 ஹவர்ஸ்’ : மீண்டும் ஏ.ஆர்.ரகுமான்&டேனி பாயல் கூட்டணி!


8 ஆஸ்கார் விருதுகளை தட்டிச்சென்ற ‘ஸ்லம்டாக் மில்லினியரின்’ அதே டீம், மீண்டும் ஒரு முறை இணைந்திருக்கிறது. முந்தைய படத்தில்
மென்மையான காதலை காட்டிய டேனி பாயல் தற்போது வித்தியாசமான திரைக்கதையுடன் மலை உச்சியில் நடக்கும் திர்ல்லர் கதையை கையாண்டுள்ளார். படத்தின் பெயர் ’127 ஹவர்ஸ்’. இப்படத்திற்கு இசை அமைத்த ஏ.ஆர்.ரகுமான் தனக்கு ஆஸ்கார் கொடுத்தது சரிதான் என்ற அளவிற்கு இசை அமைத்து அசத்தியுள்ளார்.
மலை உச்சியில் நடக்கும் இக்கதையில் பிரபல ஹாலிவுட் நடிகர் ஜேம்ஸ் பிரான்கோ கதாநாயகனாக நடித்துள்ளார். இப்படத்தின் ட்ரெய்லர் தற்போது இணையதளங்களில் அதிக தேடப்பட்டவையாக இருந்து வருகிறது. ஏ.ஆர்.ரகுமான் பின்னணி இசை பிரமிக்க வைக்கிறது. டேனி பாயல் மற்றும் ஏ.ஆர்.ரகுமான் கூட்டணி, ரசிகர்களுக்கு கண்டிப்பாக விருந்து படைக்கும் என்பதில் எந்தவித சந்தேகமும் இல்லை. இப்படம் நவம்பர் மாதம் 5ந் தேதி திரைக்கு வருகிறது.